Prentsa oharra

Irekiera-ordutegia: 10:00etatik 20:00etara uda garaian

Guggenheim Bilbao Museoak ordutegia luzatuko du 

Guggenheim Bilbao Museoak bere ordutegia luzatuko du. Maiatzaren 13tik ekainaren 19ra, Museoak asteburutan (ostirala, larunbata eta igandea) 10:00etatik 19:00tara zabalduko du etortzen ari den bisitari-kopuru handiari erantzuteko. Bestalde, udan, ekainaren 20tik irailaren 18arte, pandemia aurretik zuen ordutegia berreskuratuko du, hau da, 10:00etatik 20:00etara.

Motion. Autos, Art, Architecture erakusketak piztu duen interes handiari zor zaio, hein batean, ordutegi-luzapen hori. Iberdrolak eta Volkswagen Group-ek babesten duten erakusketak automobilak artearekin duen lotura aztertzen du; pinturarekin, eskulturarekin, arkitekturarekin edo argazkilaritzarekin dituen harremanak azpimarratuz.

Erakusketa honetaz gain, egun horietan Museora hurbiltzen direnek arte-programazio ederraz gozatzeko aukera izango dute: Jean Dubuffet: ospakizun bizia (babeslea: BBK); Fauvismotik surrealismora: Parisko Musée d’Art Moderneko maisulanak (babeslea: BBVA Fundazioa). Azken hori maiatzak 22an itxi ondoren Serra/Seurat. Irudiak erakusketa hasiko da. Bestetik, Guggenheim Bilbao Museoaren Bildumako maisulanak ikusgai dago, eta Monira Al Qadiri artistaren Laurden sakratua instalazioa Film&Video aretoan ekainaren 12arte; 23tik aurrera, O Horizon egongo da ikusgai bertan, The Otolith Group-en instalazioa.

×

Orri honek cookieak erabiltzen ditu nabigazioa eraginkorragoa izan dadin eta zerbitzu pertsonalizatuagoa izan dezazun. Nabigazioarekin jarraituz gero, cookien erabilera onartzen duzula ulertuko dugu. Konfigurazioa aldatu edo informazio gehiago eskura dezakezu gure Cookien Politika bidez.