Guggenheim Bilbao Museoak oso balantze positiboa eginez itxi du 2004. ekitaldia. Horren adierazgarri dira bere Urteko Kudeaketa Planean aurreikusitako adierazle ezberdinetan lortutako azken emaitzak. Urteko aurreikuspenean espero izandakoa baino 60.000 bisitari gehiago izan dira; museoaren hezkuntza-eskaintza aipagarria da, hezkuntza programarik gehienetan aurreko urtean baino askoz onuradun gehiago izan baititu; Museoaren Lagunen Programako 14.000 kide inguruk museoari eskaintzen dioten gizarte-babesa egonkorra da, baita Kide Korporatiboen Programan parte hartzen duten 136 enpresak eta erakundek ematen diotena ere. Gainera, ateak lehen aldiz zabaldu zituenetik zazpi urte igaro diren honetan, museoak %70 inguruko autofinantziazio maila mantentzen du.
Prentsa oharra