Guggenheim Bilbao Museoak UYU-YUI antzerki talde bilbotarraren Crímenes Ejemplares musikala aurkezten du
Bilboko konpainiak Max Aub antzerkigilearen lan baten bertsioa aurkezten du, entzuteko urritasunak dituzten pertsonentzat moldatua
Hamargarren Urteurrenaren ospakizunekin jarraitzeko, Guggenheim Bilbao Museoak entzuteko urritasunak dituzten pertsonei zuzendutako ekitaldia antolatu du. Urriaren 27an, larunbata, 1930etan Museoko Entzungelan UYU-YUI Bilboko antzerki taldeak Max Aub idazlearen Crímenes ejemplares oinarritzat hartuta egin duen musikalaren bertsioa aurkeztuko du zeinu-hizkuntza gehituz,
Max Aub-en antzezlanean euren errua aitortzen duten hiltzaile batzuen monologoak aurkezten zaizkigu. Monologoetan bakoitzak bere biktima hiltzeko arrazoiak kontatzen ditu. Hiltzaileak pertsona arruntak dira: kupoi-saltzailea, etxekoandreak, erretiratuak, etab. Guztiek ere, arazo txikiak burutik ezin kenduz, muturrera eraman dituzte eta hilketaraino iritsi dira.
Konpainiaren zuzendaritza Tiki Titá musika-antzerki elkartearen eskuetan dago. Elkarte honetako kideak Maitane Zalduegi, Itziar Lazkao eta Gurutze Beitia dira eta horien borondatez zeinu-hizkuntzak koreografia, testu eta abesti guztiak lagunduko ditu Bilbon maiatzean arrakasta handiz aurkeztu zen ikuskizunarekin bat eginez.
Max Aub idazlearen Crímenes ejemplares antzezlanaren bertsio honekin arrakasta handiz hasi du bere ibilbidea Bilboko UYU-YUI antzerki-taldeak. 18 antzezlek osatzen dute taldea eta antzezlan honen eszenaratzeari esker harri eta zur utzi zuten mundu guztia, ARTEZ antzerkiari buruzko aldizkariaren zuzendaria den Carlos Gil Zamoraren hitzetan testuaren aberastasunagatik, dramaturgiaren argitasunagatik, eszenaratzearen aisetasunagatik, antzezleen lan onagatik, musikaren erritmo kutsakorragatik eta ikusleengan sortarazten duten enpatiagatik.
Guggenheim Bilbao Museoa eta urritasunak dituzten pertsonak
Irisgarritasuna bultzatzea xedetzat hartuz Guggenheim Bilbao Museoko Entzungelak begizta magnetikoa du abian T posiziodun entzungailuak dituzten entzumen urriko pertsonentzat. Bestetik, Entzungelako sarreran zeinu-hizkuntza dakien pertsona bat egongo da antzezlana ikustera etortzen diren pertsonei laguntzeko prest.
Guggenheim Bilbao Museoak ahalegin berezia egin du Museoa pertsona guztientzako irisgarria izan dadin. Hori dela-eta aurretik arrakasta handiarekin antzeztu den ikuskizun hau hamargarren urteurrena ospatzeko jardueren egitarauan sartu dugu, arte eta kulturarekin harremanetan jartzeko zailtasunak dituzten pertsonei berdintasunaren printzipioa aplikatzeko ahaleginean.
Guggenheim Bilbao Museoak eta Coorvisor-ek (Gorren Bizkaiko Koordinakundeak) hainbat ekimen bultzatu dituzte lankidetzan: Museoko langileentzako entzuteko urritasunak dituzten pertsonekin aritzeko sentsibilizazio- eta prestakuntza-ikastaroak antolatu dira; bideo-gida moldatuak (PDA euskarrian) eskaini dituzten museoen artean lehenengoetarikoa izan da gurea; ukimen-pantaila; eta begizta magnetikoa Entzungelan. Gainera, Museoaren Hezkuntza eta Interpretazio zuzendariordetzak duela urte batzuk urritasunak dituzten pertsonentzako propio garatutako hezkuntza-programak burutzen ditu.
Guggenheim Bilbao Museoaren Hamargarren Urteurrenean musikal hau aurkeztu ahal izateko Coorvisor-en laguntza izan dugu oraingoan ere. Izan ere, antzezlanerako sarrerak erosi dituztenek Coorvisor eta Museoak bidalitako bi zirkularrak aurkeztuz gero, Museora doan sartu ahal izango dira urriaren 27an antzezlana hasi aurretik.
Zeinu-hizkuntza interpretea: Raquel Rodríguez
Antzezleak (parte hartzearen hurrenkeran):
Elena Vivanco La Finolis
Miren Izostegi La acosada
Natxo Sabrido El Fondillos
Begoña Uriarte La Consorte
Lidia Menéndez La Nena
Charo Barrio La Mamá
Encar Roda, La Chitón
Alex Vaquer El Tijeras
Naiara Santacoloma La Pantera
Begoña Marbán La Palillos
Ángel Pisano El Lotero
Ana Llamas La Puntual
Irrintzi Ibarrola El Gallego
Karmele Larrinaga La Olvidada
Mariu Castañeda La Psicoterapeuta
Leire Vadillo La Briggitte
Bilbo, 2007ko urriak 26
Eman izena Guggenheim Bilbao Museoko prentsa arloan Hamargarren Urteurrenari buruzko informazio guztia jaso nahi baduzu.
www.gubilbao.com/prensa/eu/prensa.asp