2022ko urriaren 18an 25 urte beteko dira Guggenheim Bilbao Museoa inauguratu zenetik. Hala, artearen eta kulturaren arloan orain arte garatutako ospakizun-ekitaldien askotariko programaren ondoren, eta bisitariei dagokienez errekor historikoa hautsi duen udaldi hau amaitu berri denean, Museoak bere urteurrenaren ospakizunean sakonduko du irailetik abendura bitartean.
Dagoeneko egin direnen moduan, datozen hilabeteetan izango diren ekitaldiek urteurren honen inspirazio diren balioei erantzungo diete. Honakoak dira: ospakizuna, Museoaren Bilduma balioan jartzea, esker ona, inklusibitatea, bai eta batasuna, harrotasuna eta pertenentzia sendotzea ere, etorkizuneko eraldaketa eta proiekzioa ahaztu gabe, denak ere ospakizun honek goiburu duen leman islatuak: “Artea etorkizunerako inspirazio”.