Guggenheim Bilbao Museoak European Cultural Brand of the year 2017 saria jaso du, Alemaniako Cultural Brands erakundearen eskutik; instituzio horrek kultura arloan aritzen diren urteko eragilerik garrantzitsuenei ematen dien saria da.
European Cultural Brand Awards zeremoniaren 12. edizioa bart gauean izan zen, azaroak 9an, ostegunarekin, Berlingo Wintergarten jauregian. Sei izan ziren saritutako erakundeak, beste hainbeste kategoriatan: joera-marka, hiri-kultura, kultura-inbertitzailea, kultura-zuzendaria, eskualde turistikoa eta hezkuntza-programa. Urteko kultura-marka europarrarena da sari nagusia, eta Guggenheim Bilbao Museoarentzat izan da aurtengoan.
Museoa hautatzeko epaimahaikideek kontuan hartu dituzten arrazoiak honakoak izan dira: Museoak bere ingurunean duen garrantzia kultural eta ekonomikoa, hiriaren marka eraikitzerakoan izandako eragin nabarmena eta ireki zenetik 20 urte igaro ostean nazioartean duen kokapenaren sendotasuna.
Sariei buruzko informazio gehiago: