Arrakastez betetako urtea izan zen 2016 Guggenheim Bilbao Museorako: bisitari kopuru handiaz gain, hainbat sari jaso zituen; Museoaren bide onaren eta proiekzioaren adierazle dira horiek. Bisitari kopuruaren marka gainditu zuen beste urte batez: 1998an, Museoaren ibilbideko lehen urtean, baino ez ziren lagun gehiago izan. Martxoan Condé Nast Traveller aldizkariak nazioarteko 15 arte-erakundeen zerrenda egin eta “Munduko museorik politena” izendatu zuen Museoa, zerrendako lehena; Solomon R. Guggenheim Foundation-ekin lehen hitzarmena sinatu zenetik 25 urte eta Museoa ireki zenetik ia 20 urte igaro direla, Frank Gehryk diseinatuko eraikina erakargarria da oraindik ere. Halaber, irailean, estatuko museorik gardenena zela ziurtatu zuen Fundación Compromiso y Transparencia-k, sailkapen bat egiteko, 24 adierazleren arabera, museoek zer-nolako informazioa argitaratzen duten aztertzen duenak.
1.169.404 pertsona etorri ziren Museora amaitu berri dugun urtean; zortzigarren aldiz gainditu zen, beraz, milioi bat bisitarien kopurua. 2015ean baino %6 lagun gehiago izan ziren (66.193 gehiago).
Guggeneheim Bilbao Museoaren 2016.eko balantzearen datuei buruzko informazio gehiago nahi izanez gero, begiratu mesedez atxikita bidaltzen dizuegun prentsa oharra.