Prentsa oharra

Guggenheim Bilbao Museoak energia-eraginkortasunaren alde jarraitzen du inguruan ibilgailu elektrikoak kargatzeko zutoinak jarrita

Guggenheim Bilbao Museoak Iberdrolak hornitutako lau zutoin bikoitz jarri ditu inguruan ibilgailu elektrikoak kargatzeko. Horrela, garraio mota horren erabilera erraztuko da, eta kutsatzaileak eta berotegi-efektuko gasak isurtzea saihestuko da.

Ekimen hau aurrerapauso bat gehiago da Museoak ingurumen-jasangarritasunaren alde egiten duen apustuan, 2030erako karbonoaren % 100 neutroa izateko helburuarekin.

Kargatzeko guneez gain, Museoak beste ekimen batzuk jarri ditu abian aurten, besteak beste eguraldira egokitutako parametroak erabiltzea tenperatura eta hezetasuna kontrolatzeko, energia asko aurreztea dakarrelako; museografia-elementuak berrerabiltzea eta beste erakunde batzuekin partekatzea; erakusketa-material batzuk produktu ekologikoagoekin progresiboki ordezkatzea; eta material birziklatuekin Ecoalfek egindako uniforme berriak, Museoko bisitarien arretarako langileak eta segurtasuneko langileak apiriletik erabiltzen hasiak.

×

Orri honek cookieak erabiltzen ditu nabigazioa eraginkorragoa izan dadin eta zerbitzu pertsonalizatuagoa izan dezazun. Nabigazioarekin jarraituz gero, cookien erabilera onartzen duzula ulertuko dugu. Konfigurazioa aldatu edo informazio gehiago eskura dezakezu gure Cookien Politika bidez.