WIM WENDERSEK  GUGGENGEIM BILBAO MUSEOAREN ZINEMA ZIKLOAN PARTE HARTUKO DU

Wim Wemdersek The Million Dollar Hotel  (El hotel del millón de dólares) filmea aurkeztuko du bihar, ostiralean  Guggenheim Bilbao Museoaren Entzungelan.

Artista alemaniarraren film hau Guggenheim Bilbao Museoak ikusgai dagoen Wim Wenders, Lurrazalaren irudiak erakusketa dela-eta antolatutako zinema zikloan erakutsiko diren filmetako bat da.

Zikloa osatzen duten filmak Wim Wendersek berak aukeratu ditu eta artistak berak Bilbaora etorri eta bere pelikularen proiekzioaren aurretik hitzaldi-aurkezpen bat egin nahi izan du.

Bestetik, kopiarekin sortu ziren arazo teknikoak zirela eta, atzo asteazkenean proiektatu ez zen pelikula, Until the End of the World (Munduaren bukaerara arte), datorren larunbatean, irailaren 21ean,  ikusi ahal izango da.

Wim Wendersen pertsonalenetarikoa den film honek lau orduko iraupena dauka eta 17:00tik aurrera proiektatuko da Guggenheim Bilbao Museoaren Entzungelan.

Bilbo, 2002ko irailaren 19a