Prentsa oharra

Mahai ingurua: Cristina Iglesias

CRISTINA   IGLESIAS ERAKUSKETA   DELA ETA, GUGGENHEIM BILBAO MUSEOAK MAHAI INGURU BAT ANTOLATU DU

Guggenheim   Bilbao Museoak asteartean, otsailaren 9an eta pinakotekaren entzungelan, Cristina Iglesiasen erakusketari   amaiera emateko egingo den mahai ingurua antolatu du. Bartomeu Marí,   Rotterdam-go Witte de With Gaur Egungo Artearen Zentroko zuzendaria, Michael   Tarantino, Oxford-eko Arte Modernoko Museoko erakusketen arduraduna eta Iñaki   Abalos arkitektua izango dira hizlariak eta moderatzailea Cristina Portell   izango da, Guggenheim Bilbao Museoaren Ardura Arloko koordinatzailea.   Eztabaida artea eta arkitekturaren arteko erlazioari buruzkoa izango da.

Bartomeu   Marík landuko duen gaia tektonikoa eta ilusorioa izango da, Cristina   Iglesiasen lanetan behin eta berriz errepikatzen diren ezaugarriak   baitira.  Michael Tarantino esparru   zinematografikoa, arkitektonikoa eta eskultorikoaren arteko erlazioei buruz   mintzatuko da. Cristina Iglesiasen obra hartuko du abiaburutzat esparru   eskultorikoari dagokionean.  Iñaki Abalosek,   bestalde, bere lanetan artista batzuekin lankidetzan (Luis Gordillo, Cristina   Iglesias, Gerhard Tichter,…) erreferentzia plastikoak erabiltzen dituen   arkitektuaren ikuspegia ekarriko digu.

Ekintza   hau Museoko Hezkuntza Arloak antolatu du eta arratsaldeko 19:00etan hasiko   da. Museoko Lagunen sarrera-leihatilan eskuragai daude sarreren prezioa 250   pezetakoa da erkidego horretako kideentzat eta 500 pezetakoa gainerako   jendearentzat.

Bilbon, 1999ko otsailaren 4an

 

×

Orri honek cookieak erabiltzen ditu nabigazioa eraginkorragoa izan dadin eta zerbitzu pertsonalizatuagoa izan dezazun. Nabigazioarekin jarraituz gero, cookien erabilera onartzen duzula ulertuko dugu. Konfigurazioa aldatu edo informazio gehiago eskura dezakezu gure Cookien Politika bidez.