Karole Vail-ek Hilla Rebay-ren ibilbidea aztertuko du Guggenheim Bilbao Museoan

Datorren ostegunean, otsailaren 18an, Karole Vail, Solomon R. Guggenheim Museum-en arte arduradun albokoa, Guggenheim Bilbao Museoko Entzungelan izango da. Bertan Hilla Rebayk artista, bildumagile eta zuzendari gisa izan zuen zeregina aztertuko du, eta Solomon R. Guggenheim Museum-en jatorrian sakonduko du.

Karole Vail Durham Unibertsitatean (Ingalaterra) graduatu zen eta Londresko New Academy for Art Studies-en ikasi zuen. Horrez gain, Solomon R. Guggenheim Museum-en 50. urteurrena dela eta argitaratu den The Museum of Non-Objective Painting: Hilla Rebay and the Origins of the Solomon R. Guggenheim Museum liburuaren egile-kide da.

Hitzaldi hau Pribatutik publikora: Guggenheim Bildumak erakusketa dela eta Guggenheim Bilbao Museoak antolatu duen zikloaren barnean sartzen da. Bertan Solomon R. Guggenheim Museum-en historia eta Guggenheim Bildumen sorrera aztertu da.

Hitzaldiaren ostean publikoak hizlariarekin solas egin ahal izango du.

Hitzaldia: Artista, bildumagilea, zuzendaria: Hilla Rebay eta Solomon R. Guggenheim Museum-en jatorria

Hizlaria: Karole Vail

Noiz: 19:00etan

Non: Guggenheim Bilbao Museoko Entzungelan

Sarrerak: Doako jarduera.

Sarrerak Museoaren Lagunen leihatilan har daitezke. Aldibereko interpretazioa (ingeles-gaztelania).

 

Izena eman Guggenheim Bilbao Museoaren prentsa eremuan Museoaren inguruko informazioa jasotzeko. www.guggenheim-bilbao.eus

 

 

Bilbon, 2010eko otsailaren 16an