Urteurreneko asteburu onena izan du Guggenheim Bilbao Museoak ikusle-kopuruari dagokionez: 27.925 pertsona hurbildu dira. Museoak eta Iberdrolak albait pertsona gehieni erakusketak hurreratzeko asmoa bete dute, beraz.
Larunbatean 14.511 eta igandean 13.414 bisitari izan ziren. Larunbatean Museoaren ibilbide osoko egun bateko bisitarien errekorra gainditu zuen.
Larunbatean, ohi ez bezala, Museoa zabalik egon zen gaueko 10ak arte; ondorioz, erakusketak gauez ikusteko aukera izan zen. Bisitariek halaber Bilboko Udal Musika Bandaren kontzertu batez gozatu zuten dohainik —Orkestrako Zuzendaritzari Buruzko Topaketen amaierako kontzertua—.
Bilbao, 2016ko urriaren 24a