CRISTINA GARCIA RODERO GUGGENHEIM BILBAO MUSEOAN

Eskuak adierazpide: Buhl Bildumako argazkiak erakusketaren inguruan egingo den azken jarduera da. Erakusketa martxoaren 22an itxiko da.  

Cristina García Roderok gaur, osteguna, martxoak 9, bere sortze-prozesuari buruzko hitzaldia eskainiko du Guggenheim Bilbao Museoko Entzungelan. Arratsaldeko 17:30ean izango da, Eskuak adierazpide: Buhl Bildumako argazkiak erakusketaren testuinguruan.

Izan ere, Cristina García Rodero da Guggenheimen obra ikusgai duen espainiar argazkilari bakarra: Dolua (Canosa  di Puglia, 2000) argazkia hain zuzen, bere azken proiektuetako baten parte dena: Zeruaren eta lurraren artean hain zuzen, bertan sakratuaren eta profanoaren irudiak elkartzen direlarik.

Honek eta beste 160 obrek, 150 artista eta argazkilarik egindakoek, osatzen dute Eskuak adierazpide: Buhl Bildumako argazkiak erakusketa, Guggenheim Bilbao Museoko hirugarren solairuan martxoaren 22ra arte ikusgai dagoena.

Bilbo, 2006ko martxoaren 9a