Hurrengo Art After Dark saioarekin bat eginez, datorren apirilaren 28an Pre-FANT jarduera bat gauzatuko da Museoko Entzungelan; FANT Bilboko Zinemaldi Fantastikoa da. Horrela, 20:00etatik aurrera Rosemary Myers zuzendariaren Girl Asleep (JBA) filma estreinatuko da Bilbon, Pre-FANTari amaiera bikaina emateko. Sarrerak doan eskuratu ahal izango dira Museoaren Txarteldegian edo webgunean. Gainera, Pre-FANT bonoa dakartenek deskontua izango dute Art After Dark saioaren sarrera erosterakoan; oraingo honetan, DJ Hell, Carlos Bayona DJ eta Fetén arituko dira musika jartzen.
Art After Dark saioa ohiko ordutegian izango da, 22:00etatik 01:00era, Espresionismo Abstraktua, Pello Irazu. Panorama, Hermann eta Margrit Rupf Bilduma eta Guggenheim Bilbao Museoko Maisulanak erakusketak izango dira ikusgai; halaber, Pierre Huyghe artistaren (Titulurik gabea) Giza maskara bideoinstalazioa.
Pre-Fanterako sarrera: doan.
Art After Darkerako sarrera (18 urtetik gorakoak): 13 € publiko orokorra eta 9 € Museoaren Lagunak eta Fant bonodunak. Ikusle kopuru mugatua. Salgai txarteldegian eta www.guggenheim-bilbao.eus