Datak:2014, maiatzak 30 – azaroak 2
Komisarioa: Álvaro Rodríguez Fominaya
Film & Video aretoa (103)
Guggenheim Bilbao Museoak, lehen aldiz Espainian, Ragnar Kjartansson: Bisitariak (The Visitors) lana aurkezten du, maiatzaren 30etik irailaren 7ra. Museoko Film & Video areto berrian egiten den bigarren erakusketa da, hain zuzen, aretoa bideoarteari, bideo-instalazioari eta irudia mugimenduan darabilten lanei eskaintzen zaie.
Bisitariak, 2012, kanal anitzeko bideo-instalazioa da eta bederatzi proiekzio hartzen ditu bere baitan. Instalazioaren bidez, Ragnar Kjartansson artistak (Reykjavik, Islandia, 1976) Rokeby etxaldeko ekintza musikala jasotzen du; hain zuzen, New York estatuan, Hudson ibaiaren ibarrean, kokatzen den luxuzko etxe historiko horri bisita egiten dio artistak 2007. urtean ezagutu zuenetik. Etxe horretan bizi den familiari esker, Rokeby etxaldeak zahartze erromantiko eta bohemio kutsua gordetzen du, artistaren inspirazio-iturri izan zen istorio luze eta eklektikoak erakusten duen moduan.