Noiz: 2015eko azaroaren 27tik 2016ko apirilaren 3ra
Komisarioa: Lucía Agirre
Guggenheim Bilbao Museoa adinez nagusi da dagoeneko eta, horren harira, bere funtsen aukeraketa aurkeztu nahi dugu Guggenheim Bilbao Museoaren Bildumako maisulanak erakusketan: XX. mendearen bigarren erdiko arte garaikideko pieza nabarmenak daude ikusgai. Era horretan, programazio artistikoaren ikuspegi berri bati ekin diogu eta, hartara, Bildumako lan adierazgarrienetako batzuk ikusteko espazio finko eta egoki bat edukitzearen gaiari erantzun diogu, besteak beste.