Guggenheim Bilbao Museoak Megeaselfie #ZorionakGuggenheimBilbaoXX ekintza burutuko du uztailaren 6, 7 eta 8 egunetan, 13:00etatik 21:00etara, bere XX. Urteurrenaren baitan. Aukera dibertigarria izango da bertako publikoak nahiz bisitariek Museoa zorion dezaten haren Urteurrenagatik; horretarako, bikoteka XX sinboloa osatu beharko dute, eta trukean oroigarri paregabea eskuratuko dute: argazki-bideo bat da, eta parte-hartzaileen lehen plano batetik abiatuta, haien geoposizioa ateratzen du, atzealdean Gehry-ren eraikina oso-osorik erakusten duen zoom-out efektuaren bidez.

Hala, ekintzako langileen argibideak jarraituz, parte-hartzaileak argazkia ateratzeko prestatutako puntuan ipiniko dira itsasadarrari begira, “Ama” eskulturaren gunean, eta beste ertzetik zoom-out argazki bat egingo zaie; argazki hori minutu batzuen buruan jasoko dute e-posta bidez, oroigarri gisa gorde edo nahi dutenekin partekatu dezaten.

Lekua: Abandoibarra pasealekua, “Ama” eskulturaren alboan.

Informazioa: horretarako espreski prestatutako Edukiontzian

Eguna eta ordua: uztailak 6, 7, 8, 13:00etatik 21:00etara

Zabalik eta doan hurbiltzen diren guztientzat